Gwasanaeth Ombwdsmon Ariannol
Neges oddi wrth Ian Woodman Gwasanaeth Ombwdsmon Ariannol

Yr ydym yn cynnal diwrnod hyfforddi yn rhad ac am ddim ar gyfer gweithwyr cynghori a chymunedol yng Nghanolfan Busnes Conwy, dydd Gwener, 3 Chwefror.

Mae hwn yn gyfle i’r sector cynghori defnyddwyr ddysgu mwy am rôl y Gwasanaeth Ombwdsmon Ariannol a’r cymorth y gall ei roi i aelodau o’r cyhoedd mewn achosion o anghydfodau gyda chyflenwyr gwasanaethau ariannol. Yn y cyfnod economaidd anodd sydd ohoni, gall y gwasanaeth rhad ac am ddim hwn fod o gymorth i ddefnyddwyr mewn nifer o achosion.

Tra bod y dyddiau hyfforddi sy’n cael eu cynnal ar draws y DU yn boblogaidd gyda staff Cyngor ar Bopeth a Safonau Masnach maent hefyd yn berthnasol i nifer o asiantaethau eraill sy’n cynnig cyngor di-dâl i’r cyhoedd. Y sialens sy’n ein hwynebu wrth drefnu diwrnodiau hyfforddi yw sicrhau fod pawb a fyddai’n dymuno mynychu yn ymwybodol ohonynt. Croesawir unrhyw gymorth y gallwch ei gynnig i godi ymwybyddiaeth eich cysylltiadau yn y sector cynghori gwirfoddol. Gall hyn gynnwys Cyngor ar Bopeth, Cyngor ar Arian a’r elusennau tai a henoed. Fel y gwyddoch, fodd bynnag, mae nifer o asiantaethau cynghori eraill lle y byddai gwell dealltwriaeth o’r Gwasanaeth Ombwdsmon Ariannol yn fanteisiol.

Ynghlwm mae copi o’r ffurflen gofrestru (gyda gwybodaeth ychwanegol) sydd raid ei chwblhau o flaen llaw. Ynghlwm hefyd mae copi o dempled y llythyr a ddefnyddiwyd i roi manylion o’r diwrnod. Ceir gwybodaeth bellach ar ein gwefan:

<http://www.financial-ombudsman.org.uk/news/wt ca.htm> 

Comments